(Видео) Македонија останува меѓу најкорумпираните држави во Европа : Прес конференција на Марија Митева

t

ВМРО-ДМПНЕ во прес конференција обвини дека СДСМ ја држи Македонија во групата на најкорумпирани земји во Европа.

“Хибридниот режим на СДСМ ја држи Македонија во групата на најкорумпирани држави во Европа. Според сумираната оценка Македонија има пад од 87 на 95 место.


Ако минатогодишното рангирање мислевме дека е историски најлошото со скор од 35 поени, Транспаренси интернешнал потврди, Македонија и годинава нема отскокнување, за жал останува во групата најкорумпирани држави во Европа.

Застрашувачки е фактот дека Македонија е во црвената зона со висока корупција и патем го дели 87-то место со уште осум земји како Косово, Етиопија, Колумбија, Мороко, Танзанија и Виетнам.

За оваа состојба во која се наоѓа Македонија, за хибридниот режим кој ја уништи правдата преку инсталирање на корупција во секоја сфера од општеството одговорноста лежи во СДСМ. Оваа влада на СДСМ го развива криминалот наместо да се бори против тоа веќе години наназад.

Во извештајот се посочува дека концентрацијата на моќ е во рацете на автократските лидери и нивните партии кои ја поткопуваат судската независност, што помага да се одржи заробувањето на државата.

А за иронијата да биде поголема, ова рангирање се случува за период додека во владата на СДСМ имаше именуван вицепремиер задолжен за борба против корупцијата.

На овој извештај му соодвествуваат фактите дека Македонија е заробена држава, да потсетиме на пасошите за светските криминалци, да потсетиме дека МВР нема ниту една акција за сузбивање на криминалот, да потсетиме дека системот функционира врз принципот на мито и корупција и дека правдата е селективна, а не еднаква за сите граѓани.

Додека власта ја дефокусира јавноста со изјави дека државата бележи напредок, Македонија има итна потреба да се промени оваа ситуација. Оваа влада водена низ тесно партиски и бизнис интереси со својата неспособност не може да се справи со реалните проблеми.

Борбата против корупцијата мора да се забрза, владеењето на правото мора да се почитува ако сакаме да запреме со уништувањето на демократија.” рече Марија Митева.

ПОВРЗАНИ ВЕСТИ

Обвинителството ќе бара притвор за сите обвинетите…

Инфомакс открива дека обвинителството ќе бара притвор…

Со Мицкоски не сме во најдобар однос,…

Градоначалникот на Општина Карпош, Стевчо Јакимовски во…

Финансиската полиција уапси членови на ВМРО-ДПМНЕ меѓу…

Инфомакс дознава дека пред малку е уапсен…

СДСМ: Ковачевски спроведува инвестициски бум во земјоделието

Време на светската економска криза не треба…

СДСМ ги наброи успесите на Ковачевски, меѓу…

Владата предводена од Ковачевски има видлив резултат…