INFOMAX.MK

Во најавената епизода на „На кавга со Иван“, новинарот Иван Мирчевски го праша пратеникот на ВМРО-ДПМНЕ, Петар Ристески, дали во март годинава гласал на внатрепартиските избори во СДСМ, односно кај претседателот Венко Филипче.

Ристески одговори дека не гласал и веднаш возврати со прашање:

„Зошто прашувате?“

Мирчевски потоа му покажа фотографија од пристапница за членство во СДСМ, со потпис и податоци на Ристески.

Новинарот објасни дека минатата недела се консултирал со СДСМ дали пратеникот формално се откажал од членството, а од таму добил одговор дека не постои формално известување за престанок на членството.

На тоа, пратеникот Ристески одговори:

„Оваа пристапница беше еден потег на младалачки револт, патриотски нагон, бидејќи во тој период јас бев студент на Стоматолошкиот факултет во Скопје. Но, секојдневните политички настани ги пратев и бев доволно информиран. Јас од тој период отсекогаш го имам тоа патриотско чувство во себе и поблиска ми била секогаш десничарската идеологија.“