Во Албанија денеска почнува попис на населението и домаќинствата

Во Албанија денеска почнува една од најзначајните статистички операции, пописот на населението и домаќинствата, на кој за првпат дадените одговори попишувачите ќе ги внесуваат во електронски уреди – таблети.
Институтот за статистика, ИНСТАТ соопшти дека навреме се преземени сите потребни подготовки и се очекува истиот да заврши во предвидениот рок од шест седмици.
– Оваа целосно техничка активност ќе даде преглед на моменталната состојба на населението во Албанија, вклучувајќи ги социјалните, економските аспекти, демографските движења и многу други податоци, кои јасно ќе ни покажат како и каде живеат граѓаните на Албанија во 2023 година. Примете ги попишувачите и слободно по своја волја и убедување дадете реални одговори, порачаа од ИНСТАТ.
Додаваат дека пописот е најважната статистичка операција во државата, а врз основа на добиените податоци институциите ќе можат правилно да ги планираат интервенциите и услугите потребни за жителите.
– Кога попишувачите ќе тропнат на вашата врата, отворете ја и одговорете на поставените прашања. Имате право да видите дали точно е запишано она што сте го одговориле, порачуваат од Институтот.
И премиерот Еди Рама деновиве ги повика граѓаните, гарантирајќи дека пописот се спроведува според европските стандарди.
Пописниот формулар содржи 100 прашања а само за три, етничка и верска припадност и јазик, одговорот не е задолжителен.
Во оваа активност се вклучени над 7000 попишувачите и инструктори а пописот земјата ќе ја чини 6,4 милиони евра.
Ова е 12-ти по ред попис, од кога Албанија е прогласена за независна држава.
Последниот попис во земјата беше во 2011 година.
ПОВРЗАНИ ВЕСТИ
Македонски државјани се повредени во сообраќајка во…
Двајца македонски државјани се здобиле со тешки…
МАЕИ бара поголема застапеност на македонското малцинство…
Од исклучителна важност е македонското малцинство, како…
Во Албанија е идентификуван првиот случај на…
Првиот случај на мајмунски сипаници е потврден…
Рама: Албанија доби „зелено светло“ за отворање…
Албанскиот премиер Еди Рама објави дека земјата…
Ѓоковиќ воодушевен од односот на албанските и…
Тенисерот Новак Ѓоковиќ се огласи за натпреварот…