Во Дубаи полицијата доби Ламборџини за службени возила

Полицијата во Дубаи ја прошири својата позната флота од луксузни патролни автомобили со новиот „Ламборгини Темерарио“. Во земја каде што суперавтомобилите се честа глетка на патиштата, полицијата очигледно не сака да заостанува зад автомобилите што би можела да ги брка. Така, „Темерарио“ се приклучува на импресивната колекција возила, во која веќе се наоѓаат „Ламборгини Ревуелто“, „Ферари 812 Суперфаст“, „Ферари Пуросанге“ и „Ролс-Ројс Кулинан“.

Луксузната патролна флота на полицијата во Дубаи не служи само за привлекување внимание. Автомобилите, препознатливи по бело-зелената полициска боја и опремени со светлосна и звучна сигнализација, се користат за патролирање, но и за приближување на полицијата до граѓаните и туристите.

„Темерарио“ е еден од најновите модели на италијанскиот производител на суперавтомобили. Неговиот хибриден погонски систем комбинира четирилитарски V8 мотор со два турбополначи и три електромотори, а вкупната моќност на системот изнесува неверојатни 920 коњски сили.

Ваквите перформанси би требало да бидат повеќе од доволни за брза реакција во ситуации кога тоа е потребно. Според фабричките податоци, „Темерарио“ забрзува од 0 до 100 километри на час за само 2,7 секунди. 

Share on Facebook

Tweet

Follow us

Save