(Детали) Ја нокаутирал, па ја влечел со автомобилот и ја оставил во несвест на улица – мајката на напаѓачот пријавила „загрозена безбедност”

Мајката на момчето кое што е осомничено дека ноќеска ја претепало својата девојка и ја оставило пред маркет во Охрид по што таа е хоспитализирана – моментално во полициска станица Охрид го пријавува таткото на претепаната девојка, дознава „Слободен печат“ од полициски извори.

Имено, пријавата против таткото на претепаната девојка е за упатени закани и за загрозување на сигурноста. Поконкретно, таткото на девојката е пријавен дека на семејството на момчето им упатил заканувачки зборови меѓу кои и „ќе ве уништам“. Физички напад не бил пријавен. Пријавителката на заканите е поранешна претседателка на Државната комисија за спречување на корупција.

Инфомакс претходно објави детали од настанот во кој девојката била буквално нокаутирана и оставена без свест.

Според неофицијални информации, нападот се случил во автомобил, каде што осомничениот наводно ја удирал девојката сè додека не изгубила свест. Тој потоа продолжил да вози низ Охрид, а кога девојката се освестила, наводно запрел во близина на маркет и ја исфрлил од возилото.

Портпаролот на СВР Охрид, Стефан Димоски, потврди дека полицијата го привела Х.К. (31) од Охрид на 15 ноември во 5:05 часот, постапувајќи по претходна пријава за физички напад.

Кривичната пријава не е доставена до Основното јавно обвинителство Охрид до овој момент. Досегашните известувања за настанот не содржат наводи како во вашето прашање. За осомничениот засега е поведена постапка за кривично дело – Телесна повреда од член 130 став 2 од Кривичниот законик. ОЈО Охрид постапува за целосно испитување на настанот.

Редакцијата Инфомакс испрати прашања до Основното јавно обвинителство Охрид, од каде што го добивме следниот одговор:

„Кривичната пријава не е доставена до Основното јавно обвинителство Охрид до овој момент. Досегашните известувања за настанот не содржат наводи како во вашето прашање. За осомничениот засега е поведена постапка за кривично дело – Телесна повреда од член 130 став 2 од Кривичниот законик. ОЈО Охрид постапува за целосно испитување на настанот.“

Според информациите до кои дојде Инфомакс, таткото на приведениот 31-годишен маж е раководител во Управата за јавни приходи (УЈП), додека неговата мајка е поранешна членка на Државната комисија за спречување на корупцијата (ДКСК).

Share on Facebook

Tweet

Follow us

Save