Ковачевски: Европска Македонија ќе биде реалност! Нема откажување

t

Победата почнува тука, денеска, победата почнува со нашиот претседател, Стево Пендаровски, рече денеска претседателот на СДСМ, Димитар Ковачевски во обраќањето на конвенцијата за промоција на програмата на претседателскиот кандидат Стево Пендаровски.

Тој е прогресивен претседател, верува во прогресивна Македонија и не се откажува од европската иднина, додаде Ковачевски.

-НИЕ не се откажуваме од иднината! Ние покажавме храброст. Покажавме дека имаме план. Покажавме што значи лидерство.  Лидери се токму тоа, луѓе со визија и луѓе кои не се откажуваат. Не се откажавме затоа што ние сме на вистинската страна, рече Ковачевски
Ковачевски потсети дека во времето кога отвораа преговорите со ЕУ, Пендаровски го поддржал неговото лидерството и вистинските, државнички одлуки за иднината на земјата.

-Кога беше време да се отворат преговорите со ЕУ во јули 2022, Стево и јас седевме заедно, сами. Стево рече вака: Знам дека од утре целиот притисок ќе биде врз тебе. Знам дека целиот овој процес ти ќе мора да го изодиш до крај. Знам дека од утре, сите популисти, сите националисти, сите противници на европската идеја за Македонија, сите оние кои се здружени со непријателите на Македонија, ќе застанат против тебе. И ќе поминуваш низ пекол. И затоа, нема да те оставам сам. Затоа, јас ќе стојам рамо до рамо до тебе. Ќе стојам рамо до рамо и со пратениците со кои заедно ќе ја водиш битката во парламентот. Затоа, јас прв ќе излезам на прес конференција и ќе кажам: ДА, Македонија треба го прифати европскиот предлог. Македонија треба да стане земја членка на ЕУ.  Тоа и го направи, тоа е лидерство.  Тоа е начинот на кој постапуваат вистинските лидери. Лидерите кои им мислат добро на својот народ и на својата држава, рече Ковачевски.

Тоа ми даде и поттик да отидам заедно со пратениците што седат тука, и во парламентот да ја кажам идејата за Европска Македонија. Со вакви храбри луѓе, направени од ваков цврст материјал што ништо не може да го скрши, Македонија ќе стане земја членка на ЕУ.

-Европска Македонија ќе биде реалност! Нема откажување, како што јас и Стево не се откажавме, ни во тие најтешки наши моменти.  Тоа го направивме не затоа што е лесно, туку напротив, затоа што е тешко и затоа што знаевме дека нема кој друг да ја донесе таа одлука. Затоа што јас и тој требаше да ја донесеме одлуката.  Ниту Стево ниту јас не се откажавме и никогаш нема да се откажеме. Исто како вие овде што нема да се откажете. Со вакви храбри луѓе, направени од ваков цврст материјал што ништо не може да го скрши, Македонија ќе стане земја членка на ЕУ – рече претседателот на СДСМ, Димитар Ковачевски вечерва во Скопје.

ПОВРЗАНИ ВЕСТИ

Петров: Неприфатливо е МТВ да биде партиска…

ДПМНЕ лиферуваат лажни анкети, коишто со документи…

Ковачевски: Европска Македонија ќе биде реалност! Нема…

Победата почнува тука, денеска, победата почнува со…

СДСМ: Со ДПМНЕ безбедносната состојба во земјата…

Се влошува безбедносната состојба во Македонија. Само…

Петровска: СДСМ има идеја и концепт како…

СДСМ во овие седум години по доаѓањето…

(Видео) СДСМ основа Медицински факултет во Битола

Со усвоениот Закон предложен од пратениците на…