Рама ќе бара одвојување на Албанија и Македонија на патот кон ЕУ доколку не се прифати францускиот предлог

Албанскиот премиер Еди Рама предупреди дека доколку не почнат разговори за Албанија, следниот ден ќе се бара „одвојување од македонско-бугарското прашање“.

„Се надевам дека исходот од расправата во Собранието на Северна Македонија ќе биде позитивен. Ако е така, конференцијата сигурно ќе биде свикана наскоро. Доколку не биде позитивно, веќе следниот ден ќе продолжиме да бараме одвојување на Албанија од бугарско-македонското досие. Дефинитивно сме убедени дека Албанија треба да ги започне преговорите оваа година без одлагање или дискусија. Сега да го почекаме крајот на оваа маратонска дебата, која се очекува да се одржи во парламентот на Македонија“, рече Рама на заедничката прес-конференција во Валона со европскиот комесар за проширување и соседска политика Оливер Вархеји.

„Посакувам парламентот на Северна Македонија да го отвори патот за предлогот на Франција и двете земји да започнат преговори. Но, за ова, како што вели и еврокомесарот, не одлучуваме ние, туку суверениот парламент на Северна Македонија. Сакам уште еднаш да истакнам дека му благодарам на еврокомесарот за неговата почит кон интеграциските и финансиските аспекти на Балканот. Сакаме не само патишта, туку и железници. Ќе побараме поддршка за новото пристаниште Драч. Побаравме поддршка од инвестицискиот пакет на НАТО, рече Рама.

Во понеделникот, координаторот на пратеничката група на владејачката Социјалистичка партија на Албанија и генерален секретар на партијата, Таулант Бала, рече дека првата меѓувладина конференција со Албанија „и се надеваме и со Северна Македонија“ ќе се одржи следната недела, 19-20 јули. , што како перспектива е добра вест.

Share on Facebook

Tweet

Follow us

Save