Се разговарало за историјата на МПЦ: Охридската архиепископија била тема на Историската комисија

t

Вчера доцна попладне заврши дводневната средба на Заедничката мултидисциплинарна експертска комисија за историски и образовни прашања меѓу Македонија и Бугарија која се одржуваше во Скопје.

Според информациите на „Фокус“, меѓу останатите прашања за учебниците во однос за средновековните црковни институции и нивното значење за христијанството и словенската писменост и култура, станало збор и за Охридската архиепископија.

На оваа тема двете страни имале различни размислувања, но сепак целата средба поминала во мирна атмосфера и немало тензии.

Дискусиите на овие теми ќе продолжат на наредната средба, бидејќи до заклучок не е дојдено. Следната средба треба да се одржи кон крајот на наредниот месец, овојпат во Софија.

Охридската архиепископија може да стане уште една од жешките теми на Комисијата, со оглед на тоа што Македонската православна црква ја инкорпорираше во своето име и доби канонски статус, а другите цркви почнаа да ја признаваат нејзината автокефалност.

Бугарското гледиште на Охридската архиепископија е дека таа е бугарска црква и историска составница на Бугарската православна црква.

Извор: Фокус

ПОВРЗАНИ ВЕСТИ

Во четврток е последниот неработен ден за…

Овој четврток ќе биде последниот неработен ден…

Внимавајте: Сообраќајот се одвива по влажни коловози

Сообраќајот на државните патишта се одвива непречено,…

Ковачевски на Самитот Западен Балкан-ЕУ во Тирана

Премиерот Димитар Ковачевски, заедно со лидерите од…

Захарова: Нема да се повлечеме од нуклеарната…

Портпаролката на руското Министерство за надворешни работи,…

Утринска магла, променливо облачно и слаб ветер

Наутро наместа со појава на магла, во…