Си го покани Лукашенко да ја посети Кина

Белорускиот претседател Александар Лукашенко ќе ја посети Кина на покана на претседателот Си Џинпинг, соопшти денеска портпаролката на кинеското Министерство за надворешни работи Хуа Чунјинг.

Чунјинг рече дека Лукашенко, сојузник на рускиот претседател Владимир Путин, ќе биде во Кина од 28 февруари до 2 март.

Белоруските власти ја поддржуваат Русија, од која се финансиски и политички зависни, во нејзината инвазија на Украина.

Лукашенко патува во Кина во моментот на загриженост на Западот дека Кина се подготвува да испрати оружје во Москва.

Белорускиот претседател објави дека ден претходно, на годишнината од почетокот на рускиот напад, имал долг разговор со Путин, пренесува Ројтерс.

Во петокот разговараа и кинескиот министер за надворешни работи Чин Ганг и неговиот белоруски колега Сергеј Алејник.

Кинеското министерство соопшти дека двајцата разговарале за желбата на Пекинг да работи со Минск за продлабочување на меѓусебната политичка доверба.

Лукашенко и Кси најавија сеопфатно стратешко партнерство меѓу двете земји минатиот септември во Самарканд, Узбекистан.

Share on Facebook

Tweet

Follow us

Save