Словачките лекари му забранија на Фицо да дојде на митингот на СНС во Белград

Информативната служба на словачкиот премиер Роберт Фицо попладнево објави дека тој не добил дозвола од лекар за патување со авион во Србија.

Поради последиците од обидот за атентат, неговата здравствена состојба сè уште не му дозволува да патува со авион, иако негова голема желба беше лично да дојде во Белград и да присуствува на голем јавен собир на листата „Александар Вучиќ – Единствена Србија“, се вели во соопштението од кабинетот на словачкиот премиер.

Фицо претходно изјави дека „се бори против вирусот“ цела недела и дека ќе се обиде да дојде на митингот на СНС во Белград.

Александар Вучиќ вчера изјави дека премиерот на Словачка, Роберт Фицо, ќе биде гостин на митингот на Српската напредна партија (СНС) во салата „Белградска арена“, но тоа не се случи.

Share on Facebook

Tweet

Follow us

Save