Фицо пренесен во Банска Бистрица, нема време за лет до Братислава!

Животот на словачкиот премиер Роберт Фицо е во опасност откако е ранет во пукање по седницата на Владата што се одржа во градот Хандлова, на околу 150 километри североисточно од Братислава, објавено е на официјалниот профил на Фицо на социјалните мрежи. Се додава дека со хеликоптер бил префрлен во болницата во Банска Бистрица.

Фицо беше застрелан попладнево кога по средбата излегол да ги поздрави насобраните граѓани.
„Фицо беше застрелан неколку пати и во моментов е во животна опасност. Тој беше пренесен со хеликоптер во блиската Банска Бистрица, бидејќи ќе требаше предолго да стигне до Братислава поради потребата од итна операција. Следните неколку часови се клучни“, се вели на профилот на Фицо на социјалните мрежи.

Словачките медиуми објавија дека атентаторот (71) е уапсен и дека е од градот Левица во Словачка.

Share on Facebook

Tweet

Follow us

Save