Тинејџер планирал киднапирање на Мбапе

Француската јавност е вознемирена по откривањето на истрага за криминална група која, наводно, планирала серија киднапирања и напади врз богати и познати личности.

Меѓу потенцијалните жртви, според „Ле Паризиен“, се наоѓал и Килијан Мбапе, ѕвездата на Реал Мадрид и француската репрезентација.

Како главен осомничен е идентификуван 18-годишниот Клемон Л., кој според истрагата бил организатор на повеќе криминални активности. Во плановите, покрај Мбапе, наводно биле и познат рапер и неколку богати претприемачи.

Истрагата опфаќа настани од април до август на повеќе локации во Франција. Главниот осомничен е уапсен и се наоѓа во притвор, додека неговиот наводен соучесник е под судски надзор.

Француските власти случајот го третираат со особено внимание поради сериозноста на наводните планови и бројот на потенцијалните жртви.

Share on Facebook

Tweet

Follow us

Save