Трамп: Канада сама се уништува со неконтролираниот прилив на милиони луѓе

Претседателот на Соединетите Американски Држави, Доналд Трамп, оцени денеска дека Канада „се уништува самата себеси“ поради, како што наведе, доаѓањето на милиони луѓе во земјата без соодветна контрола и проверка, тврдејќи дека таквата политика предизвикува проблеми кои наскоро ќе бидат преголеми за решавање.

„Канада се уништува самата себеси со тоа што им дозволува на милиони и милиони луѓе да влезат во земјата, практично без контрола и проверка, кои создаваат проблеми што наскоро ќе бидат преголеми за решавање“, напиша Трамп на социјалната мрежа Трут Соушл.

Тој додаде дека станува збор за „либерално преземање“ на Канада кое, како што тврди, „ќе заврши многу лошо“.

Трамп исто така наведе дека последиците од таквата политика се, наводно, веќе видливи, истакнувајќи ја високата невработеност во Канада.

Share on Facebook

Tweet

Follow us

Save