Тревога кај тајванската армија: 18 кинески воени авиони го нарушија воздушниот простор на Тајван

Тајванските воздухопловни сили во петокот се обидоа да ги предупредат 18 кинески авиони кои влегоа во нејзината зона за воздушна одбрана, соопшти тајванското Министерство за одбрана, дел од она што е редовен модел на упади кој ја лути владата во Тајпеј.

Тајван, за кој Кина тврди дека е нејзина територија, се пожали на повторени такви мисии на кинески авиони, кои станаа вообичаена појава во последните две години.

Тајван моментално е во состојба на зголемена готовност поради стравувањата дека Кина може да ја искористи руската инвазија на Украина за да направи сличен воен потег на островот, иако владата на Тајпеј не пријави никакви знаци дека Пекинг ќе нападне.

Бројот на вклучени авиони беше многу помал од последниот голем упад, 39 кинески авиони на 23 јануари, и оттогаш, таквите прелетувања се со многу помалку авиони.

Министерството соопшти дека последната мисија вклучувала шест кинески ловци J-11 и шест J-16, како и два бомбардери H-6.

Засега нема коментар од кинеското Министерство за одбрана. Кина ги опиша претходните такви мисии како одбрана на суверенитетот на земјата и се спротивстави на „заговорите“ од странски сили.

Бомбардерите, придружувани од противподморнички авион Y-8, полетаа на југот на Тајван преку каналот Баши кој го дели островот од Филипините.

Другиот авион прелетал над област североисточно од островите Пратас кои се под контрола на Тајван на врвот на Јужното Кинеско Море, според картата на министерството.

Тајванските ловци беа испратени да ги предупредат кинеските авиони и ракетите за противвоздушна одбрана беа на готовст за „да ги следат активностите“, соопшти Министерството, користејќи стандардна формулација.

Јапонија оваа недела објави дека осум кинески поморски бродови, вклучително и носач на авиони, поминале меѓу островите во јужниот јапонски синџир Окинава, североисточно од Тајван.

Кина никогаш не се откажа од употребата на сила за да го стави Тајван под своја контрола, а Тајванскиот теснец останува потенцијално опасна воена точка на удар.

Share on Facebook

Tweet

Follow us

Save