Украина и Молдавија ги почнуваат пристапните преговори со ЕУ

Амбасадорите на земјите-членки на Европската Унија постигнаа „начелен договор“ за отворање на пристапните преговори со Украина и Молдавија за членство во Унијата, соопшти белгиското претседателство со Советот на ЕУ.

Како што соопшти Белгија, „амбасадорите дале начелна согласност за преговарачките рамки“, а претседателството ќе ги свика првите меѓувладини конференции за 25 јуни.

Оваа одлука мора да биде официјално потврдена на министерскиот состанок на 21 јуни.

Начелниот договор го поздрави и претседателот на Советот на ЕУ, Шарл Мишел.

„Ние ги исполнуваме нашите ветувања и ќе ве поддржиме на вашиот пат кон членство“, објави Мишел.

Share on Facebook

Tweet

Follow us

Save