(Фото) Во пресрет на новогодишните празници Пендаровски ги поздрави нашите мировници во мировните мисии
Претседателот Стево Пендаровски денеска оствари видео разговор со припадниците на Армијата кои се распоредени во меѓународните операции надвор од територијата на Република Македонија.
Во пресрет на новогодишните празници, претседателот Пендаровски ги поздрави нашите мировници во операцијата на КФОР во Косово, во мисијата „УНИФИЛ“ предводена од ОН во Либан, во операцијата „АЛТЕА“ во Босна и Херцеговина, во мисијата „ЕУТМ РЦА“ предводена од ЕУ во Централноафриканската Република, во НАТО активноста за Зајакнато истурено присуство во Латвија, припадниците на нашата Армија во мисиите на НАТО во Бугарија, Романија и припадникот на Министерството за одбрана во Ирак.
Во разговорот, претседателот Пендаровски истакна дека Република Македонија високо го цени ангажманот, професионализмот и пожртвуваноста на припадниците на Армијата кои активно придонесуваат кон мирот и безбедноста во светот, и претставуваат најважен влог во колективната одбрана.
Честитајќи им ги новогодишните празници претседателот им посака добро здравје и натамошно посветено извршувањето на задачите бранејќи ги заедничките вредности, мирот, слободата и демократијата.
ПОВРЗАНИ ВЕСТИ
Еве како полицијата во Италија се подготвува…
Полицијата во Италија подготвува засилени контроли, надзор…
Франција распоредува 70.000 полицајци: Лувр и други…
Француските власти најавија распоредување на околу 70.000…
Сиљановска-Давкова-Бака: Потребни се реформи во меѓународните организации…
По повод одбележувањето на 70-годишнината од Унгарската…
Средба на Митрополитот Дебарско-кичевски г. Георгиј со…
Денеска во Рим, Неговото Високопреосвештенство, митрополитот дебарско-кичевски…
„Конц-логор, деспотство од азиски тип“: Нови навреди…
Карлос Контрера, советник во Софија и потпретседател…