Што потпишува Костадиновска-Стојчевска во Софија?
Во Софија, Република Бугарија, денеска, ќе се одржи третиот состанок на Четвртата работна група за билатерална соработка меѓу двете земји, која во фокусот ги има културата, образованието и науката, туризмот, младите и спортот.
На состанокот ќе учествуваат министерката за култура Бисера Костадиновска-Стојчевска, министерот за образование и наука Јетон Шаќири и директорите на Националната агенција за европски образовни програми и мобилност и на Агенцијата за млади и спорт, Марко Ѓоргиевски и Наумче Мојсовски.
Во рамките на денешната средба е предвидено и потпишување на неколку билатерални документи, меѓу кои: Програма за соработка во областа на културата меѓу Министерството за култура на Република Македонија и Министерството за култура на Република Бугарија за периодот 2022 – 2025 година; Програма меѓу Владите на Република Македонија и на Република Бугарија за соработка во областа на образованието и науката за периодот 2022 – 2025 година; Меморандум за соработка во областа на младите и спортот, како и Меморандум меѓу националните агенции Еразмус + и Европскиот корпус за солидарност.
По состанокот се предвидени изјави за медиуми на министерката за култура на Македонија, Бисера Костадиновска-Стојчевска, и на министерот за образование и наука на Бугарија, Николај Денков.
ПОВРЗАНИ ВЕСТИ
Демографската криза во Македонија се продлабочува, во…
Најмногу деца родени во Скопје, ниту едно…
Макрон: Со Трамп имавме многу конструктивен разговор…
Францускиот претседател, Емануел Макрон, изјави дека имал…
ЗАЛИВСКИТЕ ДРЖАВИ БАРААТ НОВ ДОГОВОР СО ИРАН
По повеќемесечната војна и серијата напади низ…
„Јас лично отепав седум стаорци“, вели жител…
Главниот град преполн со стаорци. Изминативе денови…
Нов Зеланд испрати два воени брода низ…
Два воени брода на Нов Зеланд поминаа…