Што потпишува Костадиновска-Стојчевска во Софија?
Во Софија, Република Бугарија, денеска, ќе се одржи третиот состанок на Четвртата работна група за билатерална соработка меѓу двете земји, која во фокусот ги има културата, образованието и науката, туризмот, младите и спортот.
На состанокот ќе учествуваат министерката за култура Бисера Костадиновска-Стојчевска, министерот за образование и наука Јетон Шаќири и директорите на Националната агенција за европски образовни програми и мобилност и на Агенцијата за млади и спорт, Марко Ѓоргиевски и Наумче Мојсовски.
Во рамките на денешната средба е предвидено и потпишување на неколку билатерални документи, меѓу кои: Програма за соработка во областа на културата меѓу Министерството за култура на Република Македонија и Министерството за култура на Република Бугарија за периодот 2022 – 2025 година; Програма меѓу Владите на Република Македонија и на Република Бугарија за соработка во областа на образованието и науката за периодот 2022 – 2025 година; Меморандум за соработка во областа на младите и спортот, како и Меморандум меѓу националните агенции Еразмус + и Европскиот корпус за солидарност.
По состанокот се предвидени изјави за медиуми на министерката за култура на Македонија, Бисера Костадиновска-Стојчевска, и на министерот за образование и наука на Бугарија, Николај Денков.
ПОВРЗАНИ ВЕСТИ
Апасиев: Стево прифаќал ДЕБАТА, ама не одел!?
Лидерот на политичката партиј Левица, Димитар Апасиев…
Ковачевски му одговори на Мицкоски: Јас не…
Нема да дозволиме, порача лидерот на СДСМ…
Димитриевски напаѓа нов рекорд во Рајо Ваљекано!
Рајо Ваљекано не игра блескава сезона, но…
55-годишен скопјанец физички нападнат од три лица
55-годишен скопјанец пријавил во полиција дека бил…
Дмитро Кулеба ги дефинираше петте главни цели…
– Министерот за надворешни работи на Украина…