Абазовиќ објави: Запленети над 5000 кутии цигари во Црна Гора

Премиерот на црногорската Влада во техничкиот мандат Дритан Абазовиќ и честиташе на Управата за приходи и Царина (УПЦ) за уште една успешна заплена на цигари на црниот пазар вредни околу три милиони евра. Абазовиќ во Порт Бар изјави дека нема да запре и дека претходно рекол дека шверцот со цигари е клинички мртов, но дека тоа сега се активности насочени кон нанесување штета на Владата на Црна Гора.

„Ова е трка меѓу доброто и злото“, рече тој и додаде дека со денешната акција покажуваат дека нема да се повлечат ниту милиметар. Над 5.000 кутии цигари се запленети во пристаништето во Адриа, а владата синоќа соопшти дека запленетите нелегални тутунски производи вредат неколку милиони евра.

Абазовиќ рече дека по неговото обраќање пред Специјалното државно обвинителство добил информации за ослободените.

Директорот на Управата за приходи и царина, Раде Милошевиќ изјави дека цигарите се одземени во акцијата „Транзит“ што ја спроведуваат повеќе од еден месец.

Тој објасни дека преку Црна Гора е дозволен транзит на тутунски производи, но дека и сега спречиле да се злоупотреби. Милошевиќ тврди дека се води хибридна војна против власта, особено против оние членови кои работат на сузбивање на организираниот криминал.

Сопственик на цигарите е фирмата Атланд шпед, рече Милошевиќ и додаде дека имињата ќе ги соопшти на партнерите и институциите.

Тој објасни дека стоката пристигнала со брод и потоа се обидела да ја извезе во Србија, а потоа, кога не успеала, се обиделе да ја „вратат на бродот“, јави Танјуг. Милошевиќ најави акции во наредниот период.

Share on Facebook

Tweet

Follow us

Save