АКТ: Тендерската мрежа на Доновски е проширена и со други семејни и партнерски фирми

„Oмилената фирма во тендерските шеми на ВМРО – Пирамид билдинг солушнс доставила барање до Антикорупцискиот тим на СДСМ да се извини поради наводно „нарушување на угледот“. Тоа што AKT го објави се факти, аргументи и докази. 51 тендер во општините, 16 милиони евра. Сите се јавно достапни“ рече денеска на прес-конференција Петар Огњеновиќ – член на ИО на СДСМ.

Тој вели „Фирмата со 51 тендер и 16 милиони евра може да се обрати до Јавното обвинителство и од таму да бара извинување. Дали тендерската мрежа на Доновски е проширена и со други семејни и партнерски фирми? Неговата сопруга, Оливера Доновска, е сопственичка на три фирми, Дајмнод инвести ДОО Гостивар, Тргострој ДОО Скопје и Аксес инжерениг груп ДОО Увоз извоз Скопје. Аксес инженеринг груп ДОО увоз- извоз Скопје е основана во март 2019 со Филип Гулевски, со адреса БУЛЕВАР “АСНОМ” бр.68/3-21, СКОПЈЕ“.

„Истиот тој Филип Гулевски од ноември 2021 е газда и на АКЦЕС КОНСТРАКШН ГРУП увоз-извоз Скопје, регистрирана на истата таа адреса. Е сега токму оваа фирма, на 04.12.2025 година добива тендер за проектирање и изведба на спортски сали во општините Крушево и Аеродром. Вредност од 1,1 милион евра од министерството за спорт. Дали е ова случајност? Дали е ова клевета и нарушување на углед? Или ова е уште еден доказ за тендерските шеми на едни исти поединци од ВМРО-ДПМНЕ?“ праша Огњеновиќ.

Share on Facebook

Tweet

Follow us

Save