Акција на германската полиција: Упадна во домови на неонацистите припадници на “Граѓани на Рајхот”

Германската полиција извршила претреси во домовите на екстремистичкото движење „Граѓани на Рајхот“, јави ДПА.

Полицијата изврши рација во домовите на пет лица во операција насочена кон десничарска екстремистичка група, која, наводно, настојува да ја собори германската Влада, изјави официјален претставник.

Претреси се извршени во домовите на четворица мажи од Баден-Виртемберг и едно лице од Долна Саксонија, изјави синоќа портпаролката на Канцеларијата на јавниот обвинител.

-Во сите пет случаи се работи со сомнеж за членство во терористичка организација, рече таа.

Операцијата е поврзана со големата рација насочена кон бизнисменот Хајнрих XIII принцот Ројс, кој е осомничен дека е лидер на групата, се наведува во соопштението.

Екстремистичката група „Граѓани на Рајхот“, или „Рајхсбургер“ на германски, ја доведува во прашање легитимноста на Сојузна Република Германија. Германската служба за безбедност смета дека околу 23.000 лица се членови на оваа група.

Последните претреси уследија по големата рација спроведена минатиот декември, чија цел беше оваа екстремистичка група.

По рациите Федералното обвинителство уапси повеќе од дваесетина осомничени во Германија, Австрија и Италија, меѓу кои и поранешни офицери, полицајци и поранешен пратеник во Бундестагот, кој беше претставник на екстремно десничарската партија Алтернатива за Германија.

Добивајте ги најновите вести во нашите групи Вибер и Телеграм и дебатирајте во Телеграм групата за дебата на Инфомакс.

Share on Facebook

Tweet

Follow us

Save