Албанец шверцувал 940.000 ЕВРА: Патувал од Австрија до Црна Гора!

Против државјанин на Албанија Т.М. е поднесен обвинителен акт поради сомнение дека сторил кривично дело перење пари во вредност од 940.000 евра, соопшти Специјалното државно обвинителство.

„Предмет на обвинението е дека пријавениот во ноември минатата година во договор со неидентификувано лице задржал и префрлил пари добиени од продажба на наркотична дрога, во вредност од 940.000 евра, криејќи ги во камионот што го управувал и товарот што го превезувал, од Австрија во Словенија, од Словенија во Хрватска со непознато и од Хрватска во Црна Гора, па од Црна Гора во Албанија“, наведуваат од Специјалното државно обвинителство.

Како што дополнително додаваат, парите се пронајдени со контрола и претрес на Граничниот премин Божај меѓу Црна Гора и Албанија и привремено се одземени од службениците на Царинската управа и Специјалното полициско одделение при Управата за полиција, кои преземале одредени дејствија во соработка и по наредба на Специјалното државно обвинителство.

Во обвинителниот акт беше предложено на обвинетиот да му биде продолжен притворот и покрај казната да му се изрече и безбедносна мерка одземање на предметите – пронајдените пари и возилото со кое го извршил делото.

Share on Facebook

Tweet

Follow us

Save