Албанија воспоставува виртуелното дипломатско присуство

Со цел подигнување на повисоко ниво на квалитетот и зголемување на брзината на конзуларните услуги, Албанија воведува виртуелно дипломатско присуство, изјави министерот за Европа и надворешни работи, Ферит Хоџа.

Тој додаде дека конзуларните услуги за Албанците во земјата и во странство како успешна приказна е поврзана не само со технолошката трансформација, туку и со трансформацијата на методот, квалитетот и брзината на услугата.

Преку видео порака објавена на социјалните мрежи, Хоџа нагласува дека од 2017 до 2026 година биле извршени 1.378.000 конзуларни услуги.

Според него, од 2019 до јуни 2026 година се администрирани 4.300.000 услуги и над 203.000 апликации за е-виза од 2021 година.

Поточно, работиме на имплементација на Виртуелен асистент, кој нема да има распоред, ќе одговара на секое прашање во кое било време и на кое било место и ќе ги ориентира апликантите кон услугата. Во секоја конзуларна служба ќе биде поставен Кју-ер код за евалуација на услугата и за секоја евентуална жалба. Со еден збор, сакаме да знаеме како работиме и како да ја подобриме истата, рече Хоџа.

Директорката за конзуларни работи во Министерството за Европа и надворешни работи, Ирида Лачи, наведе  дека „сега се нудат вкупно 32 услуги преку интернет, од кои 22 не бараат нужно физичко присуство, а каде што природата на услугата дозволува, документот може да се испрати по пошта.

Share on Facebook

Tweet

Follow us

Save