Албанската полиција во Корча спасила македонски параглајдерист

Пограничната полиција од Корча му помогна на македонски параглајдерист кој, поради големото невреме вчера, бил однесен на албанска територија. Полицијата веднаш реагирала, го локализирала и спасила спортистот В.П., кој бил во добра здравствена состојба, соопшти Дирекцијата за миграција и граница од Корча.

Службите постапиле по информација од капетанијата во Свети Наум, Македонија, дека силните ветрови го пренасочиле летот на параглајдеристот кон селото Аларуп, Поградец. Тој бил превезен до граничниот премин Тушемиште и вратен на македонска територија, каде им се заблагодарил на полициските служби за брзата и професионална интервенција.

Од Дирекцијата за миграција и граница од Корча потсетуваат дека граничната полиција останува максимално ангажирана и ги повикува граѓаните, посетителите и туристите да се јавуваат на бесплатниот број 112 доколку имаат потреба.

Share on Facebook

Tweet

Follow us

Save