Амбасадорката на Израел во Русија: Секој што ќе ја нападне мојата земја скапо ќе го чини!

Нападот на Иран врз Израел на 1 октомври беше од поголем обем од оној во април, изјави израелската амбасадорка во Русија Симонa Халперин во интервју за телевизијата РБК.
„Овој пат имаше повеќе проектили. Гледаме дека се обидоа силно да не нападнат. Не успеаја“, изјави амбасадорката.

Според Халперин, коренот на проблемот на растечката конфронтација во регионот е неподготвеноста на соседните земји да го прифатат самото постоење на Израел како посебна држава. Властите на голем број блискоисточни земји се закануваат дека ќе го уништат Израел, потсети амбасадорката.
„За жал, има цитати од клучните ирански функционери кои велат дека Израел нема место на Блискиот Исток“, истакна Халперин.

Таа вети дека одговорот на Израел на иранскиот ракетен напад ќе биде масовен.
„Израел ќе одговори широко, сериозно и секоја сила што мисли дека може да му се закани на Израел или да го нападне Израел треба да знае дека тоа скапо ќе ги чини“, заклучи дипломатот.

Share on Facebook

Tweet

Follow us

Save