INFOMAX.MK

Постои можност за воведување санкции против Бугарија поради нејзиното вето за почеток на преговорите за пристапување наМакедонија во Европската Унија, ваков став има републиканската конгресменка Клаудија Тени, пренесува Гласот на Америка на Македонски.

Пред два месеца, Клаудија Тени и уште 12 конгресмени испратија писмо до бугарскиот амбасадор во САД, Тихомир Стојчев, во кое бараат да се отстранат пречките за европското членство во Република Македонија.

Според Тени, бугарскиот дипломат не одговорил на пораката која таа ја протолкува како непочитување кон Конгресот на САД.

За можното воведување санкции против Бугарија, Тени го вели следново:

„Не сум сигурна дали санкциите се соодветни сега, но би можеле да бидат. Тоа е многу ефикасно, особено ако продолжат да создаваат пречки и да зрачат негативност кон Македонија и Албанија“.

Конгресменката порача и дека бугарската влада треба да се однесува со почит кон сите малцинства, вклучително и кон македонското.