Американскиот Сенат одобри помош за Украина, Израел и Тајван

Сенатот на Соединетите Американски Држави го поддржа нацрт-законот за доделување помош од 95 милијарди на Украина, Израел и Тајван без мерки за заштита на американската граница, покажуваат резултатите од гласањето.
„За“ законот гласаа 70 сенатори, а „против“ 29.

Предлог-законот предвидува распределба на средства за потребите на Киев во износ од околу 60 милијарди долари, додека околу 14 милијарди се наменети за Израел.
Претходно, предлог-законот беше процедурално одобрен во Сенатот без мерки поврзани со зајакнување на заштитата на американската граница.
Експертите сметаат дека мали се шансите предлог-законот сега да биде одобрен во Претставничкиот дом на Конгресот.

Share on Facebook

Tweet

Follow us

Save