Американците не сакаат да служат во Армијата: Поради невиден недостиг на регрути се намалува големината на вооружените сили

Министерството за одбрана на САД планира да ја намали големината на армијата поради невиден недостиг на регрути, пишува Асошиетед прес.

Како што се забележува во написот, на вооружените сили ќе им недостасуваат околу десет илјади луѓе, додека, според генералот Џозеф Мартин, прогнозите за следната година изгледаат уште помрачни. Бројот на војници оваа година ќе биде околу 466.400 наместо очекуваните 476.000, а во 2023 година ќе се намали на 445.000 вкупно.
Со само два и пол месеци преостанати од фискалната година, Армијата постигна само 50 отсто од целта од 60.000 војници. Со ова темпо, американските воени лидери веруваат дека недостигот ќе достигне 25 отсто до 1 октомври.

Пентагон ваквата тешка ситуација кај војниците ја објаснува со тоа што приватните компании нудат многу поповолни услови за работа, па армијата едноставно не може да се натпреварува со бизнисот. Во оваа ситуација, единственото оптимално решение е да се намали големината на вооружените сили, соопшти Пентагон.

Share on Facebook

Tweet

Follow us

Save