Анкети во САД: Предноста на Бајден пред Трамп се стопи

Анкетите за претседателските избори во 2024-та покажуваат дека претседателот Џо Бајден е изедначен со неговиот претходник Доналд Трамп.

Анкетите на СиЕнЕн, Њу јорк Тајмс, Сиена Колеџ и Вол Стрит Журнал покажуваат дека Бајден и Трамп се во мртва трка. Овие анкети го подигнаа алармот кај демократите, бидејќи пред само неколку месеци Бајден имаше комотна предност која на некои анкети се движеше и со двоцифрена бројка.

Анкетите покажуваат дека гласачите демократи се многу незадоволни од перформансите на Бајден во Белата Куќа, додека кај републиканските гласачи Трамп си ја одржува големата предност и е далеку најпопуларен помеѓу другите републикански потенцијални кандидати.

Продемократските гласачи силно посакуваат да видат друг кандидат за претседател кандидиран од Демократите. Според анкета на СиЕнЕн дури 82% од продемократските гласачи сакаат партијата на Демократите да кандидира друг кандидат и воопшто не сакаат да го видат Бајден на глсачкото ливче.

Бајденовиот рејтинг многу опадна во последните месеци дури и кај луѓето што гласале за него на претходните избори.

Една анкета на Вол Стрит Журнал покажа дека над пола од анкетираните сметаат дека Бајден е премногу стар да бара втор мандат, иако е само три години постар од неговиот потенцијален против кандидат од републиканската партија Донал Трамп. Анкетираните ни оддалеку немаат исто мислење за староста на Трамп и можноста да го помине следниот мандат како претседател на САД.

Share on Facebook

Tweet

Follow us

Save