Арачиновец осомничен за насилство кон градоначалникот на општината
Јавен обвинител од Основното јавно обвинителство Скопје поведе постапка против едно лице за кое постои сомнение дека сторило кривично дело – Насилство согласно член 386 став 1 од Кривичниот законик.
Осомничениот, 69-годишен арачиновец, на 23 мај без дозвола влегол во канцеларијата на градоначалникот, насилно барајќи да му се додели земјиште во надлежност на Општина Арачиново. Откако не го нашол во канцеларијата, го пресретнал градоначалникот во дворот, започнал грубо да го навредува, да му се заканува и насилнички да се однесува.
Со цел обезбедување на присуството на осомничениот и непречено водење на кривичната постапка, јавниот обвинител до судијата на претходна постапка од Основниот кривичен суд Скопје поднесе предлог за определување мерки на претпазливост – обврска осомничениот да се јавува повремено на определено службено лице или кај надлежен државен орган, забрана за посетување на службените простории на Општина Арачиново, како и забрана за приближување или воспоставување контакти со градоначалникот.
ПОВРЗАНИ ВЕСТИ
Тешка сообраќајна несреќа: Повреден 22-годишник од Арачиново
22-годишник од скопско Арачиново е тешко повреден…
(Видео) Оџата од Арачиново доби „мерцедес“ за…
Оџата од Арачиново за Рамазан Бајрам на…
Две лица се приведени за вчерашниот обид…
Две лица се приведени под сомнение за…
Обвинител изврши увид на местото на пукањето…
Основното јавно обвинителство Скопје информираше попладнево дека…
Нови детали за повредените од пукањето во…
Околу 13 часот и 45 минути едно…