Арбен Фетаи именуван за специјален пратеник за ЕУ во Брисел

Владата на Република Македонија го именува Арбен Фетаи за специјален пратеник за Европската Унија со седиште во Брисел, соопшти самиот Фетаи преку објава на социјалните мрежи.

Тој истакна дека именувањето претставува голема чест, но и уште поголема одговорност. Како специјален пратеник, неговата задача ќе биде да работи на унапредување на процесот на европската интеграција на земјата преку зајакнување на политичката поддршка во институциите и земјите-членки на Европската Унија, придонесување за надминување на политичките и дипломатските предизвици, како и за поголема застапеност на гласот на Македонија во Брисел и во европските престолнини.

Фетаи посочи дека по долгогодишната кариера во Брисел и искуството стекнато во Владата на Северна Македонија, оваа функција ја презема со цврсто уверување дека иднината на државата е во Европската Унија.

На крајот од својата објава, тој му се заблагодари на премиерот и на Владата за укажаната доверба, нагласувајќи дека „патот кон Брисел продолжува – со решителност, партнерство и целосна верба во европската иднина на Македонија“.

Share on Facebook

Tweet

Follow us

Save