Архив на јавни собири: 110.000 луѓе се собраа на комеморацијата во Нови Сад завчера

Еден ден по комеморативниот собир во Нови Сад, организиран по повод годишнината од уривањето на кровот на железничката станица, се водеше јавна дебата за бројот на собрани граѓани.

Проценките драстично варираа во зависност од изворот – од официјални полициски бројки до неофицијални проценки што зборуваат за најголемиот собир во историјата на градот, пишува N1.

Организацијата Архив на јавни собири вчера објави на Фејсбук дека напладне, во времето на оддавањето почит, на комеморацијата присуствувале околу 110.000 луѓе. Тие нагласија дека оваа бројка не ги вклучува граѓаните кои во тој момент биле блокирани на пристапните патишта до Нови Сад.

Според нивните записи, ова бил најголемиот собир што некогаш се одржал во Нови Сад, двојно поголем од митингот во поддршка на претседателот Вучиќ одржан на 12 април оваа година.

Од друга страна, Министерството за внатрешни работи (МВР) ја стави бројката многу пониска. Според нивните податоци, на врвот, помеѓу 11:52 и 12:08 часот, на собирот имало 39.000 луѓе. Проценката на француската агенција AFP е поблиска до онаа на Архивот на јавни собири и наведува дека имало повеќе од 100.000 луѓе.

Дополнителна конфузија внесува и изјавата на адвокатот и потпретседател на LSV, Александар Оленик. Тој тврди дека, според полициските проценки, на собирот се собрале помеѓу 140.000 и 160.000 луѓе.

Share on Facebook

Tweet

Follow us

Save