Бајден: Ако добијам овластување да ја затворам границата, ќе го искористам

Американскиот претседател Џозеф Бајден рече дека договорот за границата за кој се преговара во американскиот Сенат е „најсилниот и најправеден“ сет на можни реформи и вети дека ќе ја затвори границата денот кога ќе го потпише како закон.

„Она што се преговара, доколку биде донесено во закон, ќе биде најсилниот и најправеден пакет реформи за безбедност на границата што некогаш сме ги имале во нашата земја“, рече Бајден во изјавата, пренесе Ројтерс.
„Тоа ќе ми даде, како претседател, ново овластување за итни случаи да ја затворам границата кога ќе биде преоптоварена.

Група сенатори со месеци се обидуваше да постигне договор за решавање на протокот на мигранти преку границата меѓу САД и Мексико.
Врз основа на договорот, доколку бројот на мигранти кои илегално ја преминуваат американско-мексиканската граница надмине 4.000, ќе има механизми за нивно брзо враќање во Мексико, се согласи Белата куќа, изјавија два извори со знаење за ова прашање.
Доколку бројот на илегални имигранти надмине 5.000 дневно, употребата на овластувањата за депортација ќе стане задолжителна, велат тие.

Share on Facebook

Tweet

Follow us

Save