Бекам ги теши Кејн и соиграчите: Следниот пат ќе биде поинаку

Легендата на англискиот фудбал, Дејвид Бекам им даде поддршка на неговите сонародници кои синоќа загубија од Франција со 2-1 и го завршија настапот на Светското првенство во Катар.

Англија доживеа уште една елиминација во четвртфинале на едно големо натпреварување, разочарувањето кај фудбалерите е големо бидејќи големи беа и амбициите.

Дејвид Бекам се обиде со охрабрувачка порака на социјалните мрежи да ги утеши Кејн и неговите соиграчи.

„Нашите момци ќе продолжат да созреваат. Секогаш е најлошо чувството кога се будите по елиминација од турнир, но нашите играчи, Герет, стручниот штаб и сите наши фанови можат да бидат горди на овој тим. Потребен е вистински лидер кој ќе истапи во овие моменти и токму тоа го направи нашиот капитен, следниот пат крајот ќе биде поинаков. Ние си одиме со високо кренати глави“, напиша Бекам.

Share on Facebook

Tweet

Follow us

Save