Белата куќа со коментар за кандидатурата на Путин за претседател: Ќе биде добра трка

Џон Кирби, координатор за стратешки комуникации во Американскиот Совет за национална безбедност, ја коментираше кандидатурата на Владимир Путин за претседател на претстојните избори во 2024 година, објави Комерсант.

Кирби, како што е соопштено, верува дека „трката ќе биде добра“.

Запрашан за коментар за кандидатурата на Путин, претставникот на Белата куќа на прес-конференцијата рекол: „Тоа ќе биде вистинска трка“. Тоа е сè што ќе кажам“.

Владимир Путин вчера објави дека одлучил да се кандидира за претседател на изборите на 17 март следната година. Доколку победи, ова ќе му биде петти мандат како шеф на државата.

Својата одлука ја соопшти јавно откако им додели медали на учесниците во „специјалната воена операција“, пишува „Комерсант“, додавајќи на тврдењата на Кремљ дека неговата одлука вчера да го објави учеството на изборите била спонтана.

„РИА Новости“ пишува дека поддршката за Путин на претседателските избори ќе биде голема.

„Нивото на поддршка на актуелниот претседател на Руската Федерација, Владимир Путин, на претстојните избори во 2024 година ќе биде високо, над 70 отсто“, велат политичките аналитичари за „РИА Новости“.

„Нивото на поддршка ќе биде над 70 проценти“, изјави за „РИА Новости“, Павел Данилин, директор на Центарот за политички анализи и општествени истражувања.

Глеб Кузњецов, шеф на Експертскиот совет на „EISR“, исто така истакна дека нивото на поддршка за Путин на претседателските избори во 2024 година нема да биде пониско од 2018 година.

Share on Facebook

Tweet

Follow us

Save