Белград ќе биде домаќин на финалето на Лигата на Европа во 2029 година

Белград ќе биде домаќин на финалето на Лигата на Европа во 2029 година – одлука донесена на состанокот на Извршниот комитет на УЕФА во Солун, пренесува N1.

Финалето на Лигата на Европа е закажано за 23 мај 2029 година и ќе се одигра на идниот Национален стадион. Истата година, финалето на Лигата на шампионите ќе се одржи во Барселона. УЕФА останува посветена на својата политика за рамномерен развој и поддршка на регионот на Западен Балкан.

Раководството на европската фудбалска организација – предводено од Александар Чеферин и со клучна улога на Зоран Лаковиќ, заменик-генерален секретар и директор за национални асоцијации – повторно испрати позитивни сигнали кон Белград. И покрај доцнењата, одредени проблеми и одреден отпор, УЕФА даде зелено светло за одржување на финалето на Лигата на Европа во 2029 година. Според првичниот план, Националниот стадион – кој ќе има капацитет од 52.000 гледачи – треба да биде завршен следната година, пренесува N1.

Share on Facebook

Tweet

Follow us

Save