INFOMAX.MK

Претседателот на Регулаторната комисија за енергетика Марко Бислимоски во интервју за „Слободен печат“ изрази уверување на на први јуни оваа година, РКЕ во рамките на своите надлежности нема да дозволи поскапување на електричната енергија.

„Во делот којшто го регулиура односно за цена за пренос на електрична енергија, цена за дистрибуција и цена на оператор на пазар, одговорно тврдам дека ќе нема никаква промена за тоа што ние кажуваме и ние регулираме. На другите работи не можеме да влијааме, но можам да ветам дека таму каде ние регулираме, ќе нема никаква промена“, рече Бислимоски.

Бислимоски објасни и зошто одредени домаќинства месецов добиле повисоки сметки за електрична енергија и повика, граѓаните да поднесат приговори, по што сметките би им биле коригирани.

„Бидејќи не може операторот на диструбивниот систем сите броила одеднаш на 31-ви да ги отчита, направена е проценка. Кај поприличен број на домаќинства, таа проценка е погрешна, односно не е толкава потрошувачката и поради тоа има зголемени трошоци за електрична енергија, не поради цената, туку поради количината. Има жалби кај нас и 90% од тие жалби ние ги прифааме и го тераме операторот на дистрибутивниот систем, да најде начин да ја стави реалната состојба, бидејќи се гледа дека е ставена некоја состојба на броилото која и по пет до десет дена по издавање на фактурата, домаќинството се` уште не ја достигнало. Така што граѓаните кои се незадоволни можат да поднесат барање до РКЕ, но мора преку ЕВН, затоа што тоа е управна постапка и доколку ги исполнуваат тие услови, ќе биде намалена нивната сметка“, посочи Бислимовски.