Блинкен призна за несогласувањата во Стејт департментот за конфликтот меѓу Израел и Хамас во е-порака до персоналот

Државниот секретар Антони Блинкен призна дека постојат несогласувања во Стејт департментот околу пристапот на администрацијата на Бајден кон конфликтот меѓу Израел и Хамас во е-пошта до персоналот, јави Си-Ен-Ен.

Неговата порака до персоналот, испратена по неговите неодамнешни патувања, доаѓа во време на зголемен гнев и несогласување не само од персоналот во Стејт департментот, туку и во пошироката администрација на Бајден. Си-Ен-Ен минатата недела објави дека стотици вработени во Американската агенција за меѓународен развој потпишале отворено писмо во кое повикуваат на прекин на огнот, а има извештаи за „меморандум за несогласување“ во Стејт департментот.

„Знам дека за многумина од вас, страдањето предизвикано од оваа криза зема длабок личен данок“, напиша Блинкен во својата е-порака во која имале увид од Си-Ен-Ен. „Тагата што доаѓа со гледањето на секојдневните слики на бебиња, деца, стари лица, жени и други цивили кои страдаат во оваа криза е болна. Сам го чувствувам тоа“. Претходно Си-Ен-Ен јави дека, како одговор на односот на САД кон конфликтот во Израел, имало жестоки реакции во Стејт департментот, вклучително и на функционер кој јавно поднесе оставка минатиот месец. На друго место во администрацијата, се додава, гневот на вработените тивко се зголемувал додека се зголемувале цивилните жртви.

„Како што кажав и јавно и приватно, веруваме дека гласовите на палестинскиот народ мора да бидат во центарот на посткризната администрација во Газа. Ние веруваме во палестинското управување со Газа, обединето со Западниот Брег. Обновата на Газа мора да се изврши на одржлив начин“, напиша Блинкен.

Share on Facebook

Tweet

Follow us

Save