Блинкен: Целта на помошта од САД е Украина да си ги врати окупираните територии

Американскиот државен секретар Ентони Блинкен, говорејќи за поддршката што Вашингтон му ја дава на Киев, изјави дека Соединетите Американски Држави се фокусирани да ѝ помогнат на Украина да ги врати териториите окупирани од Русија од почетокот на специјалната воена операција.

„Нашиот фокус е на продолжување на тековните акции за обезбедување на Украина со потребната одбрана и враќање на окупираната територија, почнувајќи од 24 февруари“, рече Блинкен на конференцијата на Волстрит журнал.

Државниот секретар нагласи и дека освен воена помош, на Киев му е потребна и економска и хуманитарна помош.

Во исто време, тој избегна директно да одговори на прашањето дали Украинците можат да го „вратат Крим“, велејќи дека Украинците сами одлучуваат „каде сакаат да одат и кога“, но „со наша поддршка и поддршка од десетина светски земји“.

Share on Facebook

Tweet

Follow us

Save