Блумберг: Украина нема шанси да влезе во НАТО во догледна иднина

Украина нема да стане дел од НАТО во догледна иднина, пишува коментаторот Хал Брендс во напис за „Блумберг“.

Според новинарот, постојат два планови за иднината на постсоветската република. Првиот од нив предвидува членство на земјата во асоцијацијата, но тоа нема да се случи поради правилата кои не дозволуваат започнување на пристапниот процес во случај на територијални спорови или вооружени судири со други држави.

„Киев може да стане жртва на сурова иронија, кога само еден услов го спречува членството во НАТО“, посочува авторот на материјалот.

Друг план, според Брендс, е да се задржи Украина како „сојузник“ на Западот и да се продолжи со снабдување на земјата со оружје и тешка опрема. Но, како што истакна авторот на написот, на Киев ќе му биде многу тешко да ги одржи вооружените сили, имајќи предвид дека економијата на земјата не е во најдобра состојба поради конфликтот, а републиката во голема мера ќе зависи од Западот.

Share on Facebook

Tweet

Follow us

Save