БРАВО: Голем интерес за македонскиот јазик на Универзитетот во Анкара – Ја сакаме и почитуваме Македонија!
Во Турцја, поконкретно во Анкара има голем интерес за македонистиката, а отворањето на нова Катедра за македонски јазик и литература и нов Лекторат по македонски јазик на Анкарскиот универзитет во Турција во текот на минатата година е многу значајна работа, вели раководителката на Катедрата за македонски јазик и литература на Анкарскиот универзитет, проф. д-р Мелахат Парс, во разговор објавен во новиот број на ревијата на Друштвото на писателите на Македонија, „Стожер”.
Во Турција има повеќе од 250 универзитети и не е лесно за кратко време да се отвори нова катедра – посочува Парс.
Вели дека големиот број на турски иселеници кои Македонија, кои ја сакаат и почитуваат земјата покажуваат особено голем интерес.
Меѓутоа сакам да кажам еден класичен пример. На промотивниот час на лекторот по македонски јазик, Дарко Темелкоски, еден студент од Катедрата за англиски јазик и литература изрази желба како изборен предмет да ја земе граматиката на македонскиот јазик. Сакам да подвлечам дека вакви заинтересирани студенти има и од другите катедри на Факултетот за јазици, историја и географија, раскажува таа.
Ја потенцираше и ангажираноста на прод д-р Неџдет Унувар и директорката на Меѓународниот семинар за македонски јазик, литература и култура при УКИМ, проф. д-р Весна Мојсова-Чепишевска. Таа додаде дека Катедрата за македонски јазик и литература на Анкарскиот универзитет, допрва ќе се развива и дека ќе се вложува во комплетирање на наставно-научниот кадар, а дека студентите на Катедрата ќе имаат можност да истражуваат во Македонија.
Би сакала и да го подвлечам фактот дека лекторот Дарко Темелкоски пред професорите и студентите на Факултетот за јазици, историја и географија одржа многу успешно промотивно предавање, вели Парс.
За отворањето на Катедрата и на Лекторатот по македонски јазик и литература вели дека се огромно богатство.
Ние имаме историски, јазични, литературни, културни и други врски и односи со Македонија и со Балканот, додава Парс.
ПОВРЗАНИ ВЕСТИ
Најмалку осум лица загинаа, 11 се повредени…
Најмалку осум лица загинаа, а 11 други…
Уапсени 40 припадници на Исламска држава во…
Повеќе од 40 лица се приведени во…
Реки по улиците: Хаос и поплави во…
Турскиот главен град Анкара синоќа беше погоден…
Официјално: ТУРЦИЈА ОДОБРИ ЕКСТРАДИЦИЈА НА ЉУПЧО ПАЛЕВСКИ!
Турција официјално ја одобри екстрадицијата на првоосомничениот…
Спречен терористички напад во Турција: Уапсени седуммина…
Турскиот министер за внатрешни работи Али Јерликаја…