Бројот на жртви од земјотресите во Турција надмина 46.000: За еден месец имало повеќе од 13.000 потреси

Бројот на жртвите од земјотресот на 6 февруари во југоисточна Турција достигна речиси 46.000, изјави во саботата министерот за внатрешни работи на земјата, Сулејман Сојлу.

„45.968 луѓе станаа жртви на земјотресите, од кои 4.267 се Сиријци“, рече Сојлу на брифингот што го пренесуваа ТВ каналите во Турција.
Според него, бројот на последователни потреси за речиси еден месец надмина 13 илјади.

Тој истакна дека уривањето на тешко оштетените објекти се одвива истовремено со отстранувањето на шутот. Конкретно, во градот Антакија се уништени повеќе од 58% од зградите.
Сојлу рече дека еднократен додаток од 10.000 лири (околу 530 долари) добиле повеќе од милион и 61.000 семејства.
Земјотреси со јачина од 7,7 и 7,6 степени се случија на 6 февруари со интервал од девет часа во провинцијата Кахраманмарас во југоисточна Турција. Потреси се почувствуваа во 11 провинции во земјата и соседните држави, вклучително и Сирија. Турските власти го нарекоа земјотресот „катастрофа на векот“.

Share on Facebook

Tweet

Follow us

Save