Велешани паничат, чудна црна змија фотографирана во двор

После Скопје, наезда на змии и во Велес. По социјалните мрежи кружат слики од змии од селата околу Велес, но и во градот по дворовите на куќите. Змите се црни по боја со црни крлушки на грбот, а нивниот изглед не е вообичаен за змиите кои ги има во земјава. Граѓаните во паника сликаат и пишуваат дека станува збор за отровна змија донесена од некое друго подрачје која почнала да се размножува во земјава. Прашавме експерти за која змија станува збор. Македонското еколошко друштво и херпетологот Богољуб Стеријовски велат дека сликите не се јасни но дека најверојатно станува збор за неотровна змија популарно наречена рибарка.

– Околу 80 отсто сум сигурен декаа станува збор за змија рибарка. Меѓутоа сликата е нејасна. Како и да е граѓаните не треба да се плашат, станува збор за неотровен вид кој не го загрозува човечкото здравје- вели Стеријовски.

Според него појавата на змии во градска средина не е вообичаена појава, но се случува да ги има. Нивното излегување е поради подготовката за репродукција и тогаш интензивно се хранат.

– Последните неколку години наглото затоплување е причина за појавата во урбана средина. Се појавуваат кога ноќната температура е над 12 степени- вели Стеријовски.

Граѓаните во чии дворови прошетале змиите велат дека немаат сретнато таков вид на змија.

– Змиите се вчера уловени во Велес, но никој не знае за каква змија станува збор, велат жителите.

Експерите велат дека змијата рибарка живее во Источна Европа и Западна Азија. Natrix tessellata или рибарка е евроазиска неотровна змија.

Женките се поголеми од мажјаците. Нивната типична големина е 1,0–1,3 m. Нивната боја може да варира од сивозелена до кафеава или речиси црна, со темни дамки на грбот. Стомакот понекогаш е живо обоен во жолта или портокалова боја, со црни дамки, многу слични на коцки. Живее главно во близина на реки, потоци и езера, често се храни со риби.

Понекогаш се храни и со водоземци како жаби, жаби и полноглавци. Класифициран како неотровен. Како одбрана, од својата клоака шири секрет со многу лош мирис. Друг одбранбен механизам е претварањето дека се мртви. За време на сезоната на парење (март-мај), тие се собираат во големи групи. Снесувањето јајца е обично во јули. Младите змии излегуваат на почетокот на септември.

Извор