Вечерва Кичево и Струмица најзагадени градови во Македонија

Според World’s Air Quality Index кои во живо 24 часа обезбедуваат резултати за Индексот на квалитет на воздух, вечерва Кичево е најзагаден град во Македонија со индекс на загадување од 216 што спаѓа во категоријата исклучително нездрава околина. Во истата категорија е и Струмица каде индексот на загадување е 213.

Индексот за квалитет на воздухот се базира на мерење на емисиите на честички (PM2,5 и PM10), озон (O3), азот диоксид (NO2), сулфур диоксид (SO2) и јаглерод моноксид (CO).

Според овие вредности, воздухот има наднормално загадување и треба да се избегнуваат подолги периоди на отворена површина. На мали деца, стари лица и бремени жени им се препорачува да не излегуваат без посебна потреба.

Share on Facebook

Tweet

Follow us

Save