(Видео) Американски борбен авион се урна во државата Вашингтон, предизвика шумски пожар

Американски борбен авион F/A-18 Hornet се урна во сабота попладне по локално време во планинска област во округот Јакима, Вашингтон, предизвикувајќи пожар, соопштија денес локалните власти. Авионот се урна околу пладне во близина на езерото Римрок во државата Вашингтон.

„Пилотот претрпел полесни повреди по катапултирањето од авионот и бил однесен во болница. Несреќата предизвикала пожар во областа, што довело до евакуација на камперите додека пожарникарите се на местото на настанот“, соопшти канцеларијата на шерифот на округот Јакима. Американскиот морнарички корпус го потврди инцидентот со борбен авион F/A-18 Hornet околу 55 милји југоисточно од Сиетл, Вашингтон.

Локалната противпожарна служба соопшти дека хеликоптери и најмалку едно противпожарно возило се борат со пожарот.

Share on Facebook

Tweet

Follow us

Save