INFOMAX.MK

Силно невреме го погоди брегот на Балтичкото Море и предизвика поплави во Германија, а медиумите пишуваат дека ова би можел да биде најголемиот олуен бран во последните 100 години.

Вода ги поплави улиците во центарот на градот Фленсбург.

Силната бура исфрли вода од Балтичкото Море на брегот и предизвика поплави во Шлезвиг-Холштајн.

Во Фленсбург тоа би можело да биде најголемото невреме во последните 100 години, пишуваат медиумите.

Таму околу полноќ нивото на водата достигна 2,27 метри над просечниот водостој, изјави портпаролката на Федералната поморска и хидрографска агенција (БСХ) во Росток.

Се очекуваа „само“ два метри. Вчера во 18 часот нивото на водата се уште беше 1,63 метри над нормалата“, рече таа.

Последен пат ваква поплава се случила во 1904 година, пренесува Bild.

Делови од пристаништето утрово се уште беа поплавени.

Од безбедносни причини, општинските комунални претпријатија ја исклучија струјата во погодените подрачја.

„Најлошото помина, денеска почнуваме со чистење“, рече градоначалникот на Флензург.

Евакуирани се жителите на три квартови. Во градот Арнис, кој се смета за најмалиот град во Германија со само 300 жители, пукнале два насипи, изјави портпаролот.

По турбулентната ноќ, напливот на бура на брегот на Балтичкото Море значително ослабна, а предупредувањето за наплив на бура е укинато.