(Видео) Во борба со времето: Двајца мажи спасени по 198 часа под урнатините, спасувачките акции наскоро ќе престанат, нов силен земјотрес во Турција

Деветти ден од катастрофалниот земјотрес што ги погоди Турција и Сирија. Повеќе од 36.000 луѓе загинаа, а десетици илјади беа повредени. Спасувачите сè уште трагаат по преживеани, но најавуваат дека спасувачките операции наскоро ќе бидат прекинати, бидејќи ниските температури речиси и да не даваат шанси за преживување под урнатините. Тлото не мирува, земјотрес со јачина од 4,8 степени според Рихтеровата скала е регистриран синоќа во Кахраманмараш.

Во потрагата и спасувањето на теренот учествуваат повеќе од 235.000 луѓе во двете земји, а досега се евакуирани 158.000 луѓе, пренесе агенцијата АФАД.

Но, неминовно е наскоро да прекинат спасувачките операции, бидејќи ниските температури речиси и да не даваат шанси за преживување под урнатините, велат спасувачите.

Седумнаесетгодишниот Мухамед и неидентификуван маж се спасени од урнатините во Кахраманмарас 198 часа по земјотресот, јавува Си-Ен-Ен Турк.

Share on Facebook

Tweet

Follow us

Save