(Видео)Драма на небото: Пилотот ја промаши пистата па авионот слета на замрзната река

Руски патнички авион со 34 лица, наместо на пистата слета на замрзната река на далечниот исток на Русија, поради грешка на пилотот. Авионот на „Полар ерлајнс Антонов Ан-24“ од советско време утрово слета на замрзнатата река Колима во близина на аеродромот Зирјанка. За среќа, никој од патниците не е повреден, пишува Би-Би-Си.

Според прелиминарната истрага, се работи за грешка на пилотот, соопштија обвинителите. Во авионот имало триесет патници и четворица членови на екипажот. Летот PI217 полетал од Јакутск рано утринава и патувал за Зирјанка, оддалечен 1100 километри.

Видеото на еден од патниците го прикажува авионот среде замрзнатата река Колима во источен Сибир.

Температурите во Ќирјанка во овој период од годината може да се спуштат и до -40 степени Целзиусови. Обвинителите рекоа дека авионот слетал на песочен брег во реката и трагите во снегот покажуваат колку далеку требало да застане.

Share on Facebook

Tweet

Follow us

Save