(Видео) За влакно спречена тепачка: Нови тензии во албанското Собрание

Како што беше случај во неколку наврати во последните неколку месеци, во албанскиот парламент повторно истите сцени – тензии, инциденти и завршување на седницата за само 20 минути.
Пратениците од опозицијата и покрај тоа што 19 од нив беа исклучени од седницата, побараа да влезат во салата. Бидејќи не можеле да контролираат кој од нив е исклучен, обезбедувањето ги блокирало сите пратеници од опозицијата, спречувајќи ги да влезат на пленумот, објави Албаниан пост.

Сепак, тие успеале да влезат во салата и се обиделе да ја блокираат говорницата.

Потоа ги нападнаа премиерот Еди Рама и претседателката на Собранието Љиндита Никола кои им порачаа дека треба да се „срамат“ од нивното однесување и да знаат дека се исклучени, а тие ја прекинаа седницата.

Додека пратениците се обидуваа да влезат на седницата, стотина граѓани се собраа пред парламентот, а имаше и судири со полицијата.

Денешната седница беше прекината по 20 минути.

Во четврток треба да заседава и Собранието, а таа седница ќе биде позначајна, бидејќи се очекува да се донесат голем број закони, меѓу кои и Договорот со Италија за имигрантите и Законот за спортско онлајн обложување, на кои опозицијата долго време се противеше.

Мнозинството има доволна поддршка за овие закони, бидејќи за нивно усвојување е потребно просто мнозинство гласови, но други законски иницијативи се проблематични, бидејќи на владејачките социјалисти на Еди Рама им требаат и гласовите на опозицијата за усвојување за прашања како што се платите на Уставните судии, амнестија или избори Народен правобранител, потсетува Албаниан пост.

Share on Facebook

Tweet

Follow us

Save