(Видео) Зеленски предупреди на можен масовен руски напад: „Украинските служби и нашето Воено воздухопловство се подготвени да одговорат“

Украинскиот претседател Володимир Зеленски предупреди дека Киев добил нови разузнавачки информации според кои Русија се подготвува за масовен напад врз Украина.

Тој ги повика граѓаните да бидат внимателни и сериозно да ги сфаќаат предупредувањата за ракетна опасност.

„Добивме ажурирани разузнавачки информации за подготовките на Русија за масовен напад. Ве молам, чувајте се и реагирајте на предупредувањата за ракетна опасност. Украинските служби и нашето Воено воздухопловство се подготвени да одговорат – онолку колку што дозволуваат нашите одбранбени капацитети“, изјави Зеленски.

Според украинскиот претседател, Киев ги распоредува системите за противвоздушна одбрана и работи на обезбедување дополнителна муниција за авионите Ф-16, како и ракети-пресретнувачи. Најголем проблем, како што посочи, останува заштитата од балистички ракети, каде Украина во голема мера зависи од помошта на сојузниците.

Зеленски повторно упати повик до САД и европските земји да обезбедат дополнителни средства за воздушна одбрана.

„Многу зависи од нашите партнери – од секоја земја што располага со одбранбени средства што ни се потребни и може да ни ги обезбеди. Многу е важно да постои политичка волја за тоа, особено во Соединетите Американски Држави и во Европа“, порача тој.

Украинските власти не објавија дополнителни детали за времето, размерите или потенцијалните цели на можниот напад, но соопштија дека се подготвуваат контрамерки и дополнителни мерки за заштита на критичната инфраструктура.

We’ve got updated intel on Russia’s preparations for a massive strike. I ask you, please, to take care of yourselves and respond to missile threat alerts. Ukrainian services and our Air Force are ready to respond – as much as our defenses allow. And a lot depends on our partners – every country in the world that has the defensive capabilities we need and can provide them to us. It’s very important that there be the political will to do this – particularly in the United States and in Europe.

— Volodymyr Zelenskyy / Володимир Зеленський (@ZelenskyyUa) October 6, 2026

Share on Facebook

Tweet

Follow us

Save